Albania is a MUST SEE!

Why not visit a place you have never seen before? 🙂

Albania… The perfect destination.

The world through my eyes 

Related image

Shkëputur nga ditari i një 22-vjeçareje që jeton akoma në botën e çudirave

E meqë sot ime motër kishte provimin e letërsisë, mora përgjegjësitë si motër e madhe dhe e shoqërova për në shkollë.
Ç’emocion! Para 4 vitesh isha unë në vendin e saj. *këtu e kuptova sa isha plakur*
Si zakonisht, teksa prisnim që të futeshin brenda oborrit, shihja ata që më kalonin afër. Si natyrë kureshtare që jam pashë edhe detajet. *Mos paragjyko Xhes’. Ke qenë vetë si ata dikur.*
Kështu u bëra vajzë e mirë dhe nuk u mora as me pantallonat e shkurtra të çunave, as me kanatjeret e gocave.
Shumë mirë deri këtu. Por shumë shpejt iu ktheva prapë detajeve. *do doja të mos e kisha bërë*
*Prisni, para se të vazhdoj dua t’ju them se unë besoj tek bindjet e çdokujt dhe i respektoj. BINDJET! E theksoj.*
Në duart e të rinjve tanë “euroatlantikë” (kur thotë profesori im) pashë simbole partish që mbaheshin plot krenari. Zakonisht, jam mësuar që njerëzit pranë meje t’i mbajnë në një formë më të rafinuar (duke i kthyer mbrapsht), por që ngjyrat nënkuptojnë se kush pëlqen kë.
Siç e theksova, unë nuk kam asgjë me bindjet e askujt. Secili është i lirë të bëjë ç’të dojë. Por që kjo mania për tu bërë sahanlëpirës të fillojë në moshë kaq të re, më bën që të ndjej keqardhje.
Them “sahanlëpirës” sepse edhe ju, edhe unë, e kuptojmë që përfshirja politike vjen jo sepse ai, ajo, ata, ato besojnë idealin, por sepse kështu fitojnë vendet e punës. Por ta shoh tek një 18 vjeçar këtë fenomen më duket e frikshme, idiotësi.
Mos vallë iu premtuan vendet në universitet?
Apo punë sapo të mbaroni universitetin?
Më iluminoni dhe mua se ngela mbrapa bote.

Sinqerisht,
Liza e botës moderne të çudirave.

Related image

 

11 rregulla

  1. Ti dhe vetëm ti je përgjegjëse për lumturinë tënde.
  2. Pusho së shqetësuari, është si të përdorësh imagjinatën për të krijuar diçka që ti nuk e do.
  3. Nëse nuk jeton dot pa diçka, atëhërë mos jeto.
  4. Ji një shoqe e mirë – me veten.
  5. Mos shiko prapa, nuk do shkosh në atë drejtim.
  6. Krahasimi është hajduti i lumturisë. Ndalo së krahasuari jetën tënde me të të tjerëve.
  7. Se çfarë mendojnë të tjerët për ty nuk është puna jote.
  8. Lëre të shkojë. Seriozisht, Elsa e di më mirë atë punë.
  9. Nuk ke pse t’i dish përgjigjjet. Askush nuk ka.
  10. Nëse je e frikësuar, bëje të të ketë frikë.
  11. Jepi kohë… koha shëron çdo gjë.

10 të vërteta që duhet t’ju themi vajzave

  1. Bukuria jote vjen nga brenda. Ti nuk mund ta lyesh shpirtin tënd.
  2. Ti je unike, ashtu si gjurmët e gishtërinjve. Nuk ekziston askush në botë që mund të sjellë atë që ke ose bëjë atë që je, ndaj pranoje këtë.
  3. Kurrë mos lejo që gjykimi i dikujt për ty të mjegullojë tëndin për veten.
  4. Motivoje veten herë pas here me fraza si “Sa e mirë jam! Sigurisht që mund ta përballoj këtë!”
  5. Mos ki frikë të shkosh pas gjërave që ta çojnë zemrën peshë. Jeta fillon në fundin e zonës së rehatisë ku ndodhesh.
  6. Nuk ka gjë që të mos jesh gjithmonë mirë.
  7. Nëse ai do që të jetë diku tjetër, porositi një taksi.
  8. Ti nuk e gjen vlerën e vetes tënde tek një mashkull. Ti e gjen atë tek vetja. Vetëm atëherë mund të kërkosh një mashkull që ta di vlerën.
  9. Karma është k*rvë vetëm nëse ti je. Duke i zhvidhosur llampën dikujt, nuk do bësh që llampa jote të ndriçojë më shumë.
  10. Nëse në fillim nuk ia del mbanë, drejto kurorën dhe provoje sërish. 😉

Image result for you are special

Serena Leka, shqiptarja që trajnon ekselentët nga Kolumbia e deri në Kore

Mos e kërkoni shumë larg idhullin tuaj 🙂

Citizens Channel

Nuk i ka mbushur ende të 24-at, por ka udhëtuar në 15 shtete të botës, ka qenë drejtoreshë ekzekutive e rrjetit të studentëve ekselentë në Tiranë, senatore klase, presidente e shkollës, kryetare e aktiviteteve jashtëshkollore, është e vetmja studente shqiptare që ka fituar një bursë prej 50.000 euro nga mbretëria daneze dhe aktualisht është pjesë e grupit bërthamë të studentëve ekselentë nga mbarë bota.

Serena Leka, vajza nga Fushë – Arrëzi që në fillore e cilësonin “nerd”, arriti të mposhtë paragjykimet e të qenit nga veriu (filloren e kreu tek “Skënder Luarasi” dhe “Shkolla e Kuqe”, në Tiranë) dhe shkëlqeu në mësime. Tani ajo është gjithmonë në gjueti të mundësive për të udhëtuar, por çdo herë me projekte.

Muzika që dëgjon në kufje apo libri i fundit që ka lexuar? “Varet shumë nga udhëtimi i fundit që mund të kem pasur. Për shembull, në fund prilli isha në Bogota të…

Shihni postimin origjinal 944 fjalë më tepër

10 fakte që çdo femër duhet të dijë

  1. Të gjitha kur përkulemi kemi shtresa “dhjamore”.
  2. Kur dikush na thotë se jemi të bukura, duhet t’i besojmë. Ata nuk po gënjejnë.
  3. Ndonjëherë, të gjitha ngrihemi me një erë të keqe goje, e cila mund të ngordhë një dhi.
  4. Për çdonjërën prej nesh që nuk është e lumtur me strijat që ka në trup, ka femra të tjera që do donin t’i kishin.
  5. Ne duhet të kemi më shumë besim tek vetja. Nëse do e shihnim veten ashtu siç të tjerët na shohin, pa dyshim që do kishim më shumë besim.
  6. Mos të kërkojmë një mashkull që të na shpëtojë. Ne duhet të jemi të afta të shpëtojmë veten.
  7. Nuk ka ndonjë gjë të keqe që të mos duam çdo pjesë të trupit tonë… por duhet ta duam.
  8. Ne të gjitha e kemi atë shoqen që duket sikur çdo gjë i shkon shumë mirë. Ajo femra me jetën perfekte. Epo, ti mund të jesh ajo “perfektja” për dikë tjetër.
  9. Ne duhet të jemi prioritet. Jo opsion, jo plan rezervë dhe as zgjedhja e fundit.
  10. Ne jemi femra. Vetëm kaq na bën të jemi qenie të mrekullueshme.

Image result for women are beautiful


Burimi: Ladies – Pass it on

Borës dhe ty…

E dashur Bora,

Nëse nuk do kishte ndodhur ajo që ndodhi, unë me shumë mundësi nuk do të njihja kurrë. Por, ja që të ra për pjesë kjo…

E di që më vjen keq?

Po, po. Më vjen shumë keq për ty o Bor’.

Më vjen keq që ende nuk e ke kuptuar në çfarë vendi jetojmë. Ku dhe sikur “Shëndet!” të thuash, ata që kanë lindur për të bërë keq do thonë se iu the “Plaç!”. Pse?
Po si të them unë ty… Kështu janë gatuar. Mendo sa të duash ti se ata janë të mirë dhe duhet dhënë sasia e duhur e dashurisë që të mos sillen keq. E kemi mësuar që në “Lexim”, në klasë të parë, se ujku vetëm qimen ndërron.

Më vjen keq o Bor’ që ti akoma mendon kështu.

Më vjen keq që dhe unë mendoj si ti.

Dhe më vjen akoma më shumë keq që nuk të them dot as ty, as vetes dhe askujt që të mbështeti e mendon si ti, që të ndryshojmë.

Ka ardhur koha që ky vend të bëhet. Që ky vend të presi rrënjët e kalbura të mentalitetit të qelbur.
Ka ardhur koha të lexoni, të hapni horizontin.
Ka ardhur koha të pranoni njerëzit ashtu siç janë. Ashtu siç jemi…
Ka ardhur koha që t’i lini njerëzit të duan veten.
Ka ardhur koha të jetoni jetën tuaj, pa e futur hundën tek punët e të tjerëve.
Ka ardhur koha që mbi të gjitha të jeni qenie njerëzore, jo vetëm në aparencë.

Duro dhe ca Bor’. Duro se çudia më e madhe tre ditë zgjat, thanë. Vazhdo të qëndrosh po aq e fortë saç e kishe pasqyruar ndër rreshta.
You rock girl!!!

Me shumë dashuri,
Dikush-që-ti-nuk-e-njeh-por-që-po-të-thotë-se-ti-nuk-je-vetëm.


P.S Pavarësisht se sa për të qeshur ju bëjnë ato faqet e memeve, jepuni një mësim! Unfollow dhe Unlike faqeve. Le të mësojnë të bëjnë shaka si e gjithë bota dhe jo të tallen me jetë dhe personalitete njerëzish.